14.07.2022 Скопје
Премиерот на Албанија, Еди Рама, изјави дека доколку не се отворат преговорите за ЕУ, Албанија следниот ден ќе бара одвојување од македонско-бугарското прашање. Рама се надева дека резултатот од дебатата во Парламентот на Северна Македонија ќе биде позитивен, а доколку не биде така смета дека Албанија треба да ги отвори преговорите оваа година сама.
Еди Рама на прес-конференцијата во Валона со еврокомесарот за проширување и добрососедска политика, Оливер Вархеји, изјави дека ќе го почека крајот на оваа маратонска дебата што се одржува во Парламентот на Северна Македонија и посакува Северна Македонија да го отвори патот за предлогот на Франција и двете земји заедно да влезат во преговори.
Вархеји изјави дека ова не е нешто што го одлучуваат тие, туку суверниот Парламент на Северна Македонија.
Во понеделникот, координатор на албанската владеачка партија изјави дека првата Меѓувладина конференција со Албанија, а се надева и со Северна Македонија, ќе се одржи следната недела, 19-20 Јули, што е оценето дека тоа е многу добра вест за двете земји.
Подготвено од М.Н.
About Author
