14.06.2022 Скопје
Во голема акција на МВР, во Штип, односно во село Карабинци, се уапсени три лица, бидејќи кај уапсените Н.С.(56), А.Н.(37) и М.С.(36) се пронајдени и одземени околу 15 500 стебла канабис, со пазарна вредност од над 5 милиони евра.
Во координација со јавен обвинител и претходно обезбедени наредби за претрес на дом и други простории од Основен кривичен суд Скопје, извршено е претрес на неколку локации во село Карабинци во врска со производство на наркотична дрога, марихуана.
Потпаролот на МВР, Сузана Прањиќ Талевска соопшти дека кај тројцата уапсени се пронајдени распределените стебла канабис, од кои дел веќе биле во цветови.
Од МВР информираат дека по целосното документирање на случајот против тројцата уапсени ќе биде поднесена кривична пријава.
Подготвено од М.Н.
About Author
