30.06.2022 Скопје
Поранешниот грчки премиер, Јоргос Папандреу, изјави дека е вистинско време да се работи со побрзо темпо за зачленување на Северна Македонија и Албанија во Европската Унија.
Кризата во Украина укажа на потребата за посилна политичка волја за отварање на процесот за членство во ЕУ и зачленување на двете земји.
Папандреу, кој беше министер за надворешни работи на Грција и ја потпиша Солунската декларација за иднината на Западен Балкан, изјави дека предолго се чекаше за Северна Македонија и Западен Балкан да се приближат и дека сега е вистинско и крајно време да се работи на зачленувањето. Исто така, истакна дека имаше несогласувања меѓу Грција и Северна Македонија, но сега веќе се надминати и се надева дека ќе се надмине и блокадата од Бугарија и дека во минатото Северна Македонија и Грција успешно ги надминаа несогласувањата со тешки политички жртви и после тој договор, двете земји заедно имаат една прекрасна заедничка иднина.
Подготвено од М.Н.
About Author
