08.06.2022 Скопје
Српските медиуми пишуваат дека во раните утрински часови, почнале да пристигнуваатт нови дојави за бомби, каде мета биле неколку основни и средни училишта, како и една градинка.
Од Министерството за внатрешни работи во Србија, соопштија дека неколку училишта во Белград добиле пријави за бомби, а според неофицијални информации станува збор за основните училишта „Бранко Чопиќ“ Видиковац, „Илија Гарашанин“ во Грочка, „Крал Петар Втори“ во Врачар, „Соња Маринковиќ“ во Земун, „Ѓуро Стругар“, „Марија Бурсаќ“, како и Осма гимназија, Десетта гимназија, Петнаесетта гимназија, Петто економско училиште, Тринаесетта гимназија, Математичката гимназија, Машинското училиште „Радоје Дакиќ“ и основното училиште „14 Октомври“, сите во Раковица, но и градинката „Фица“ во Врачар. Воедно, стигнале и информации од неколку основни училишта во Карабурма, Петлово Брдо и Звездара.
Како што пренесуваат српските медиуми, пријавите биле испратени по електронска пошта, а полицијата излегла на терен.
Вакви пријави, кои како што се покажа по полицискиот увид во објектите, биле лажни, во претхониот период, пристигале до бројни училишта, како и други институции во Белград и други места во Србија.
Подготвено од А.Ѓ.
About Author
