12.06.2022 Скопје
Дали летото може да донесе нов бран и нови соеви на Омикрон е дилема за научниците.
Засега е познато дека новите соеви на Омикрон ВА.4 и ВА.5 се сметаат одговорни за зголемување на бројот на заразени во неколку европски земји. Во последно време, забележано е зголемување на бројот на заразени и има се повеќе случаи на зарази со новите омикронски субваријанти.
Во Франција, ВА.4 и ВА.5 постепено доминираат, а слична е и ситуацијата во Германија и Обединетото кралство.
Експертите велат дека за ваквиот развој придонесува олеснувањето на мерките за јавно здравје и посочуваат дека двете најнови подваријанти се шират многу побрзо од претходните.
Засега нема докази за оваа теорија и за зголемена загриженост од подваријантите на Омикрон, но епидемиолозите велат дека е премногу рано за попрецизни податоци.
Подготвено од М.Н.
About Author
