12.06.2022 Скопје
На денешната прес – конференција, Владо Мисајловски, остро го нападна премиерот Ковачевски, бидејќи според македонската јавност Ковачевски го подгази достоинството и дигнитетот на државата.
Тој истакна дека не се понижувачки само зборовите со кои Македонија беше посрамена и навредена на меѓународната средба пред балканските лидери и германскиот канцелар, тука уште поиритирачко е и недоличното смеење на премиерот Ковачевски.
Мисајловски кажа дека за ваквото навредување на својата земја, Ковачевски должи не само извинување, туку и оставка како чин на одговорност за срамот, кој го нанесе на меѓународна сцена. Тој додаде и дека доволно е со порази и понижувања на националното достоинство, само поради амбиција и желба за власт.
Мисајловски потсети дека кога го претставувале како премиер на идна западна Бугарија, Ковачевски воопшто не реагирал достојно за да ја одбрани својата држава, која ја претставува и јавно ги омаловажил и понижил сите граѓани на Република Северна Македонија.
Подготвено од М.Н.
About Author
