08.06.2022 Скопје
Поранешната германска канцеларка, Ангела Меркел, изјави дека нема оправдување за „бруталното занемарување на меѓународното право“ во Украина и дека се противи на планот Украина да влезе во НАТО, бидејќи сака да спречи ескалација со Русија, како и дека додека била на функцијата, силно се залагала да се спречи развојот на ситуацијата во Украина од она што е сега и дека не мисли дека не се трудела доволно.
Меркел смета дека војната во Украина, која ја започна Русија, е голема грешка. Таа додаде дека во последните години не е создадена безбедносна архитектура, за да се спречи оваа војна и дека треба да се размисли и за тоа.
Во врска со мислењето на Путин дека Западот постојано ја понижува Русија, таа не го дели истото мислење.
Меркел, што се однесува до нејзиниот денешен живот, смета дека е сосема нормален граѓанин, но сепак мора да биде повнимателна во изјаснувањето за тековните работи, бидејќи смета дека не и е задача да дава коментари од аут.
Подготвено од А.Ѓ.
About Author
