19.06.2022 Скопје
Денеска во Владата на Република Северна Македонија е закажана средба помеѓу коалициските партнери, на кој како што најави премиерот Димитар Ковачевски, меѓу другото ќе се разговара и да се реафирмира ставот за одржување на редовни парламентарни избори во 2024 година, заедно со претседателските.
Ковачевски најави и дека целта на оваа средба е да се направи увид на се што е направено во изминатите месеци од формирањето на новата влада.
Ковачевски истакна и дека ќе се осврнат и на важноста на водењето севкупни политики во државата во насока на задржување на стандардот на населението и унапредување на системот на Македонија и усогласување со системот на ЕУ.
Опозицијата, на протестот пред Владата, побараа предвремени парламентарни избори и на тоа Ковачевски додаде дека Владата се труди да обезбеди услови за граѓаните во најголемата криза, а од опозицијата единствено се гледа деструкција и блокирање.
Подготвено од М.Н.
About Author
